Shortcut - Arzulara gedən qısayol

Hər birimizin müxtəlif arzuları var və bir çoxumuz bu arzuların reallaşmasını istəyərik. Bəli istəyərik amma bəzən onların reallaşması üçün elə də can fəşanlıq eləmirik. O gün dostum Fərahimlə arzulardan məqsədlərdən danışdıq. Üzərində işlədiyimiz İwanna layihəsi insanlara öz istəklərini reallaşdırmaqda nə dərəcə kömək ola bilər və s. kimi söhbətlər. Layihəni qoyaq bir kənara realdan danışaq. Belə bir vəziyyət düşünün. İşdən çıxıb evə getməyə hazırlaşırsınız. Evdə nəsə yemək yeyəcəyəm amma ürəyinizdən yaxşı pizza keçir. Bu kiçik pizza istəyi nə qədər güclü olsa da "tək restorana gedən kimdir", "bu gün yorğunam, başqa vaxta qalsın", "Aykaya desəm deyəcək ki, qalsın həftəsonuna" kimi bəhanələr sizi rahat buraxmayacaq. Bu dialoqlardan sonra o axşam pizza yemək ehtimalınız 10-15%dir. Vəziyyəti biraz dəyişək, tutaq ki, üzüyola adamsınız və həftəsonuna kimi gözləyib Ayka ilə pizza yeməyə gedəcəksiz və ya bu indiyə kimi sizi xəttə saxlayan başqa dostunuz da ola bilər :) (Burda Aykaya salamlar, xətrinə dəyməsin, zərafat edirəm :*)  Həftəsonu ehtimal artıb 70-80% olsa da bir növ sınmış kimi olursunuz. Elə bil sadə arzular da olsa hər şeyi istəyə bilməzsiz. Hər şeyin öz vaxtı var, gərək oturub kimisə gözləyəsiniz. Gözləyəndə də artıq o dad qalmır. Bəlkə Aykaya yazacaqsız ki, "Ay qız unut o dediyimi, həftəsonu başım qarışıqdır, pizza qalsın başqa vaxta və s" .Bütün bu olanların fonunda əminəm ki, sizin dost çevrənizdə o gün işdən sonra pizza yeməyin çox gözəl fikir olduğunu düşünən var. Ona görə ağlımıza gələn gözəl fikirləri paylaşmağa yatqın olmalıyıq. Əgər mən girib Iwanna-da yazsaydım ki, "İwanna pizza" və nəticədə kimsə mənə təklif eləsəydi ki, gedək pizza yeməyə artıq yox demə ehtimalım çox az olacaqdı. Beləcə kiçik arzularımızı reallaşdıra bilərik. Bu çox kiçikdir amma hər şey belə kiçik şeylərdən başlayır. Kiçik arzulardakı uğursuzluqlar özümüzə olan güvənimizi azaldır və sönməyə doğru gedirik. Bir çox psixologiyaya aid kitablarda deyilir ki, arzularınızı kağıza yazın, zamanla onları gözdən keçirib oxuyun və s. Amma mən belə deyərdim, arzularınızı Iwanna-ya yazın və yaxın ətrafınız onlardan xəbərdar olub reallaşmağa kömək etsin. Bu italyan dilini öyrənmək, karaokeyə getmək, səyahətə çıxmaq, ev tapşırığını eləməkdə yardımçı kimi müxtəlif hallar ola bilər. Qısacası o gün Fərahimlə söhbətimiz bu mövzu ətrafında oldu və belə qərara gəldik ki, İwannaI-ya davam etmək lazımdır. Iwanna insanların öz arzularını daha açıq şəkildə paylaşmaq vərdişi yarada bilər. Vərdiş dedikdə bu gözəl sözləri xatırladım: 

Qayıdış

Bəli, 3 ildən sonra qayıtdım! O gün google analytics-ə sayt əlavə eləmək istəyəndə gözümə blogum dəydi. Ağlıma gələn ilk fikir "nə ağılla mən bloq yazırdım?". Məqsədi yadıma saldıqdan sonraki fikir isə "nə ağılla yazmağı dayandırdım?" oldu. Burda isə heç bir məqsəd yox idi. Kiçik cəhdlərdə uğursuzluqdan yorulmaq, axtarışda olmaq, bəlkə mənlik deyil kimi fikirlər idi. Fikirləri qovub köhnə dalğaya yeni texnologiya ilə köklənməyin vaxtıdır. Geriyə baxdıqda bu 3 ildə çox şey dəyişib. Yaxşı proqramçı olmaq uğrunda mubarizə, oxuduğum kitablar, əldə etdiyim sertifikatlar, İngiltərədə staja başlamaq, ardından iş təklifi almaq, işdə yaxşı proqramçı olduğunu isbatlamaq və sonra anlamaq ki, bunlar hamısı sən istədiyin bir şey olsa da səni qane etmir. Köhnə dalğa, toDoSmtUseful-a qayıtmaq lazımdır. Vaxt aparan amma faydası olmayan fəaliyyətlər və insanlar arasında sərhədlər çəkdikdən sonra bu asan olacaq məncə. Çətini ilk atdım atmaqdır.

Bir az motivasiya...

Çoxdandır gözə görünən heç nə eləmirəm. Arada vDriver layihəsi ilə uğursuz Hackathon yarışı, yeni ideya, köhnə ideyaya yeni əlavələr ağlıma gəlir. Onlarla bağlı nəsə edirəm və fikirləşirəm ki, görəsən düz yoldayam? Bunlar hamısı boş söhbətdir? Nə olsun, o qədər developer var, o qədər kod yazılır, o qədər layihə edilir. Onların çoxu uğursuzluğa gedir. Kim zəmanət verə bilər ki, mən də uğursuzluğa gedmirəm? Əslində uğursuzluq da bir növ təcrübədir. Amma 1-2 təcrübə üçün uğursuzluq oldu bəsdir dəə. Dalbadal o qədər uğursuzluq təcrübəsi lazım deyil :) Mən ağıllı uşağam, sözü yarıdan başa düşürəm, bəsdir :) Son 2 gündə Netdə gəzə gəzə bir iki maraqlı şey qarşıma çıxdı, mənə motivasiyamı qaldırdı, davam etməyə həvəs əmələ gəldi. Bunların 1cisi bu yazı oldu.
Prikolnıy yazıdır ;) Bazar günü səhər yuxudan duranda nə edim fikirləşirdim. Bunu oxudum. Dedim I got it! Visual Studionu açım işimi davam edim :)

İkincisi bu TED Talk oldu. Kiməsə Apple-ın reklamı kimi gələ bilər. Amma mənə nəsə yaxın gəldi danışığı. Bütün bu layihələri nəyə görə edirəm? Bu suala cavab tapmağa kömək oldu. Əslində bu bloqu oxuyursunuzsa cavab bloqun adındadır ;) ToDoSmtUseful. Universitetin 4cü kursunda olanda bir çox şirkəti incələyirdim. Həm maraqlı idi, həm də oxuyurdum daa. Ən sevimli kitabım Googleçular haqqında idi. Altavista, Yahoo olduğu dövrdə bazarda ayaqda durmaqları və s. Onların sloqanı xoşuma gəlmişdi Don't be evil. Onda mən də fikirləşdim, özümə It is time to do something useful sloqanını götürdüm :) Simon Sinek-in danışığına qulaq asanda mən bilirdim ki, bu layihələri niyə görə edirəm. Məndə o Why? sualına cavab var idi və hər şey o nəyə görə etməkdən başlayırdı. Çünki mən də nəsə faydalı bir şey eləmək istəyirəm :) Qulaq asıb ürəyim rahatladı. Artıq rahat işləyə bilərəm ;) Danışıqda başqa maraqlı məqamlar var. Hər kəsə qulaq asmağı məsləhət görürəm!

Qarşılayın vDriver gəlir! (Update 1)

Bir öncəki yazıda Hackathon Azərbaycan müsabiqəsinə qatıldığım və Busabas layihəsi haqqında yazmışdım. Elə yazmışdım ki, yəqin elə düşünəcəksiniz ki Busabası elədim, qurtardım, indi təqdim edəcəm. Yox, təəssüflər olsun ki, heç başlamadım. Onun yerinə başqa layihə edirəm. Taksi xidməti ilə bağlıdır. Amma o Android marketdə dolu olan taksi sifarişi deyil. Yo bu onlardan cool projectdir! Normal taksi sifarişi necədir? Sürücülər hazır vəziyyətdə dayanır ki, kimsə sifariş eləsin getsinlər. Amma vDriver elə deyil! Bəli, yeni layihəmə ad da qoydum. Adı vDriver-dır. Onu volunteer driver, we are driver kimi də şifrələmək olar. Baxır daa, zövqə görə. vDriver sürücüləri taksi sürücülərindən daha da cool-dular ;) İnanmayanlar üçün layihənin qısa izahını aşağıya əlavə edəcəm. Layihə təklif və tənqidlərə açıqdır :)

P.S. Busabası rename edib, tvitter, FB hesablarını istifadə edəcəm :)

P.S.2. Vaxt olan kimi loqo da düzəldəcəm, hələlik yola verin plz :)

P.S.3. Tvitter yenə məni hirsləndirir! vDriver logini tutulub!

P.S.4.FB də bir cür hirsləndirir! Page-i istədiyim kimi rename eləməyə qoymur!

== Layihə haqqında ==

vDriver xidməti - alternativ taksi sifarişi sistemidir. Sistem sərnişin marşrut istəyi üzərində qurulmuşdur. vDriver sürücü profili könüllü sürücülük xidməti göstərmək istəyən şəxslərin təlabatlarına uyğun formalaşdırılmışdır. Sərnişinlər öz istəklərini daxil edərək istək marşrutu (təlabat) yaradırlar. Daha sonra hər hansı bir şəxs (taksi sürücüsü, həmin yolu gedən başqa bir adam) istəyə uyğun öz maşın və gediş haqqı təklifini irəli sürür. Bununla razı olan sərnişin həmin şəxsə zəng edib detalları müəyyənləşdirə bilər.

=== İdeya ===

Şəhərimizdə ictimai nəqliyyat qiymətcə sərfəli olsa da narahatdır. Taksi xidməti rahat olsa da bahalıdır. Alternativ yoxdu? Var! Şəxsi maşın sahibləri. Bəs onların əsas istəkləri nələrdir?

* Mən taksi sürücüsü deyiləm, mənə uyğun olmayan istiqamətdə sərnişin apararaq vaxt itirmək istəmirəm.

* Mənimlə eyni yolu gedən şəxsləri apara bilərəm ancaq daimi hərəkət qrafikim yoxdu.

* Sərnişinlər məni yox, qoy mən sərnişinləri seçim. Mənə maraqlı gələn insanlarla səyahət etmək istəyərəm.

* Öz telefonu hər kəsə demək istəmirəm. Sonra tam mənim işimin çox olduğu vaxtda zəng edib narahat edirlər. Mən boş olanda isə zəng edən yoxdur.

* Mən yaxşı sürücüyəm, bir dəfə mənimlə səyahət edən şəxs xidmətimdən razı qalıb yenədə də gedmək istəyəcək. Təəssüf ki, bunu yazıb pəncərəmə yapışdırmaq olmur.

Bu istək və nüansları nəzərə alaraq vDriver sistemi qurulmuşdur.

=== Sürücülər ===

vDriver - sistemdə sürücü kimi fəaliyyət göstərən şəxslərdir. Onlar haqqında bir neçə söz,

* vDrive,r taksi sürücülərinə nisbətən daha ucuz və ya pulsuz xidmət təklif edir

* vDriver, hər hansı bir taksi sürücülərinin bazasına əlavə edilməyib. İstədiyi vaxt, əhval ruhiyyəsindən asılı olaraq sərnişin daşıya bilər.

* vDriver-in istifadə etdiyi sistem, yalnız ona yaxın olan sərnişinləri göstərir.

* vDriver-in sərnişin axtarmasına ehtiyac yoxdu. Sadəcə öz yerləşdiyi məkanı deməklə ona yaxın olan marşrut istəkləri görsənəcək.

* vDriver, sistemdə olan marşrut istəklərindən ona daha yaxın, vaxtının uyğun, yol üstü olanını seçmək imkanına malikdir.

* vDriver, xidmət təklif etməzdən əvvəl sərnişinin profilinə baxa bilər, sərnişinin əlavə istəyi haqqında detalları görə bilər

* vDriver-in təklif etdiyi xidmətdən razı sərnişin sürücüyə səs verərək, etibarlı vDriver-lar siyahısında yüksək pilləyə qalxa bilər.

* vDriver-lar könüllü sürücülük xidməti göstərən şəxslər kimi yolda qalan sərnişinlərə kömək edib, onları daha rahat və ucuz mənzil başına çatmalarını təmin edirlər.

* vDriverin istifadə etdiyi sistemdə köhnə məlumatlar yoxdu. Bütün istəklər 24 saat ərzində sistemə əlavə olunan istəklərdir.

=== Sərnişinlər ===

Niyə görə taksi və ictimai nəqliyyata yox! vDriverlara Hə! deməliyik?

* Sürücü tapmaq üçün yola çıxıb gözləmək, axtarmaq lazım deyil. Siz yerləşdiyiniz qapalı məkandan telefonunuz vasitəsilə sistemə marşrut istəyi əlavə edərək vDriver tapa bilərsiniz.

* vDriver profilində daha öncə apardığı sərnişinlər tərəfində verilən qiymətlər görünür. Bu sizə etibarlı vDriver seçməyə imkan verir.

* vDriver sürücüsünə öz əlavə istəklərinizi də çatdıra bilərsiniz. Bu yalnız qadın sürücünün olması, siqaret çəkilməməsi və ya böyük qabaritli yükünüzün olması ola bilər.

* vDriver, sürücülük təklifi göndərərkən öz qiymətini də əlavə edir.

UPDATE 1: Sonda elə oldu ki, layihə heç bir yer tutmadı. Səbəbini soruşmadım, artıq həvəsdən düşmüşdüm onsuzda. Juri deyirdi ki, layihə işləmir. Mən də repo-dan onlara verdiyim versiyanı yüklədim, debug elədim həm device-da, həm də emulatorda işlədi. Daha arxasını bilmirəm. Proqramlaşdırmada belə bir şey var ki, problemin səbəbini bilmədən həll etmək olmur. Məndə isə heç problem çıxmadı o ki qalsın onun səbibini axtarmaq. Mörfinin qanunları buna deyilir dəə yəqin :)

Busabas başladı!!!!

Yeni nəsə öyrənmək, biraz maraqlı, rəngarəng günlər keçirmək üçün yeni bir müsabiqəyə qatılmağa qərar verdim. Bu dəfə like, mike ilə mazgi etməyəcəm, mən nəsə düzəldəcəm, sizə faydalı olsa istifadə edəcəksiniz. Yəni, ümid var ki, xalqa nəsə faydam dəyəcək :)). Daha dəqiq desək Android istifadəçilərinə ;) Uzun sözün qısası, mən də Baku GTUGın təşkil etdiyi Android Erası yarışında iştirak edirəm. 20 dekabrda iştirakımın təsdiqlənməsi haqqında məktub alanda biraz sevindikdən sonra məni dərd basdı ki, bəs nə App yazacam. Özü də Android üçün. Bəxtim gətirmişdi ki, bacımgildə idim və orda da evdə bacım və oğlu Ceyhun Android istifadəçiləridir. Ceyhun öz HTC Wildfire S-ində oyun oynamağı xoşlasa da bacımdan bir iki söz çıxarda bildim. İstəklər arasında rahat bazarlıq kitabçası, avtobus marşrutları, tələbələr üçün nəsə rahat şəbəkə və s. var idi. İçlərində mənə avtobus marşrutları ilə bağlı olanı daha cazibəli gəldi. Bir iki nüansı dəqiqləşdirdikdən sonra elə ictimai nəqliyyatla bağlı bir layihə eləmək qərarına gəldim. Layihənin adını da BusaBas qoydum.(Əvvəlcə Busabus qoymuşdum, ancaq o logində tvitter hesabı tutulmuşdu. Dostum Hüseyn də məni qorxuzdu ki, "gozleyir, layihen ozunu tutanda sene 100000$ satacaq", mən də adımı dəyişdim :DDD) Əgər alınsa, nəsə edə bilsəm, Busabasla Hackathon Azerbaijan qurtardıqdan sonra tanış ola biləcəksiniz. Hələlik isə proqramın yazılması prosesi, iş ərəfəsində qarşılaşdığım maraqlı, faydalı məlmatları Busabas-ın tvitter ünvanında və facebook səhifəsində paylaşacam. Görək dəə, Android platformasında "hello world"-dən sonra ikinci proqramımı yazacam. (Əgər birinci proqram sayılırsa :D) Hər kəsə uğurlar :)))